Preséntase mañana'l Conceyu Abiertu Pola Oficialidá

Mañana martes 22 va presentáse n'Uviéu el Conceyu Abiertu Pola Oficialidá, plataforma entamada pola Xunta Pola Defensa de la Lllingua Asturiana col oxetivu únicu de conseguir el reconocimientu de la oficialidá del asturianu na prósima reforma del estatutu d'autonomía d'Asturies.

Tres delles selmanes d'entrevistes y reuniones, delles abiertes y otres privaes, con organizaciones de toa triba que representen l'Asturies política, cultural, sindical y social, la plataforma yá ta en condiciones de presentáse en público, cosa que va facer mañana a partir de les 7 de la tarde en Salón d'Actos del Muséu de Belles Artes d'Asturies, na uvieína cai de Santana.

Nesti intre, a 24 hores de la presentación oficial, el Conceyu Abiertu Pola Oficialidá cuenta yá cola participación en firme de tolos sindicatos más representativos del país, incluyendo a les dos centrales más importantes, CCOO y UXT, amás de SUATEA y otros. Nel ámbitu políticu, entovía nun se cuenta cola participación confirmada de nenguna de los trés grandes partíos asturianos, pero ente los firmantes tan la URAS, el Bloque por Asturies, Izquierda Asturiana o Lliberación