Preséntase l'antoloxía lliteraria de Nel Amaro

Sigue la XLII Selmana de les Lletres Asturianes con esti actu en La Pola Ḷḷena qu'inclúi una velada d'Arte n'Acción con trés autores.

'Esperté ensin patria pa dormir ensin pruyimientos de conciencia' ye'l títulu de l'antoloxía lliteraria de Nel Amaro, segunda espublización sobre la figura del artista multidisciplinar que s'edita con motivu de la gran celebración de la nuesa lliteratura. Al igual que de 'Pruebes d'autor. Les siete vides de Nel Amaro', encargóse del llibru l'escritor y profesor Xandru Fernández.

La presentación va celebrase esta tarde, a les 19 hores, nel Hotel d'Asociaciones de La Pola Ḷḷena con entrada llibre hasta completar aforu. Darréu va tener llugar una velada d'Arte n'Acción con José Busto y 'Nel Amaro tuvo equí', Abel Loureda con 'Ven y vino', y Ánxel Nava con 'Muria perimetral'.