Presentación de métodu de gaita

Esti vienres pela mañana nos locales de la SGAE, presentóse'l métodu de gaita de primer nivel fechu pol gaiteru José Manuel Gutiérrez "Guti".Na presentación tuvieron presentes l'autor del métodu, Concha Prieto como representante de la editorial, y el direutor del Conservatoriu de Música d'Uviéu Leoncio Diéguez . El gaiteru "Guti" faló d'esti métodu que cubre lo que ye'l primer nivel d'enseñanza del gaiteru, aniciu nel control del fuelle, exercicios cenciellos pa dir faciéndose cola dixitación de la gaita asturiana, asina como un repertoriu con un grau de dificultá adecuáu pa un gaiteru/a principiante. El llibru tamién prepara a l'estudiante nel conocimientu del llinguaxe musical, asina como la historia de la gaita y biografies de gaiteros tradicionales famosos. L'autor fizo'l llibru siguiendo les regles de la LOGSE, pa que'l testu pueda consideráse como un llibru de testu musical más. José Manuel Gutiérrez y la editorial ya tan preparando'l siguiente llibru de la colección, que sedría'l nivel dos del cursu de gaita.Por otra parte, el direutor del Conservatoriu d'Uviéu faló de la posibilidá de la entrada de la gaita nel conservatoriu. El direutor consideró qu'esta entrada debe facése "pela puerta grande" y que por él nun había nengún problema por incluyir la gaita ente los instrumentos.qu'elli se deprienden, dixo qu'agora ye una cuestión de l'alministración da-y puxu a esta posibilidá.

Contador Estadistiques