PP y PSOE congráciense pola venta d’Hidrocantábrico

Mientres Ovidio Sánchez y l'executivu asturianu se feliciten pola operación, la Comisión del Mercáu de Valores Mobiliarios de Portugal dio anuncia de l'apertura d'una investigación a EdP por posibles irregularidaes.

El presidente del Partíu Popular d'Asturies, Ovidio Sánchez dixo que la venta d'HC a la eléctrica portuguesa "xenera ilusión y aprovecha los procesos industriales entee las grandes empreses que compiten nel sector. Sánchez defendió la xestión de Manuel Menéndez, doble presidente de Caxastur y d'HC, aprovechando pa echar per Areces, quien forzó la salida temporal de Menéndez d'HC valiéndose pa ello de la Llei de Caxes. El líder popular defendió tamién "l'asturianidá" de la empresa y dixo qu'esti ye'l camín pa "una Asturies industrial y potente".

Pela so parte, el secretariu de la FSA-PSOE dixo que la operación garantiza les inversiones del grupu n'Asturies en referencia a les nueves centrales térmiques y valoró la venta positivamente "nun mundu en que les concentraciones empresariales son inevitables".

Mientres, la Comisión del Mercáu de Valores Mobiliarios de Portugal (CMMV)daba anuncia del entamu d'una investigación pola operación por considerar que la empresa nun informó de la operación pelos calces precisos.

La investigación de la CMVM va estudiar la operación d'alquisición d'HC pero tamién l'ampliación de capital d' EDP, y ye que la empresa eléctica portuguesa negó que fuere a entamar ampliación de capital nenguna cuando la noticia s'esmució a un periódicu económicu portugués va yá pa dos meses, el 8 de xunu. D'otra manera, los títulos d'EDP esfarraplaron ayeri na bolsa de Lisboa énte les duldes sobre la capacidá d'endeldamientu de la eléctrica tres de la doble operación.

Más información en Jornal de Negocios (en portugués)