El PP entama la reforma de la Llei del Albuertu col apoyu de Foro

|

La reforma parcial de la Llei del Albuertu pasó'l primer trámite parllamentariu nel Congresu. El PP contó col sofitu de Foro, UPN y los cinco diputaos d'Unió Democràtica de Catalunya.

La reforma de la Llei de Salú Sexual y Interrupción Voluntaria del Embaranzu, lloñe de la propuesta nun primer momentu pol PP yá que queda namái na imposición a les neñes de 16 y 17 años de contar col permisu paternu p'albortar, nun tuvo l'apoyu de tolos diputaos populares. Cuatro d'ellos tuvieron presentes na sesión pero nun exercieron el so votu pola so posición crítica cola iniciativa llexislativa. Mentes, la parllamentaria por Madrid Eva Durán votó en contra de manera consecuente.

El diputáu de Foro, Enrique Álvarez Sostres, apoyó la propuesta del PP, al igual qu'UPN y los representantes d'Unió nel grupu parlamentariu de CiU. Tamién votó a favor el líder de la oposición Pedro Sánchez, anque nel casu del socialista foi por error.

Contador Estadistiques