Portugal vivió la so primer fuelga xeneral contra un gobiernu socialista

Portugal vivió ayeri la primer fuelga xeneral de la so historia contra un gobiernu socialista. La central sindical de tendencia comunista CGTP foi la convocante en solitario del paru, desmarcándose de la mesma la socialista UGT . Los datos de participación na fuelga apurríos pol gobiernu peritaron l'asistencia a la mesma nel 12% nel sector públicu y nel 5% na empresa privada, unos datos que la central sindical convocante xubió a ente'l 60 y el 80% . El sindicatu quixo protestar pola política económica y social del primer ministru socialista, José Sócrates, que se tien na mengua del gastu públicu y nos servicios sanitarios y educativos. Ye la segunda fuelga xeneral que convoca la CGTP en Portugal por estes razones, l'anterior baxo l'anterior gobiernu enantes de la llegada al poder de los socialistes.