Poesía y música nuna xornada nueva del Programa Cultural Antón de Marirreguera

|
Poesía y música nuna xornada nueva del Programa Cultural Antón de Marirreguera

Lourdes Álvarez va recitar en Candás y la ilesia de Santiago d'Albandi va acoyer un conciertu de melodíes barroques.

El 'Programa Cultural Antón de Marirreguera, Carreño ñeru de la pluma n'asturianu' vive esti xueves una sesión nueva, na que va haber espaciu pa la poesía y la música barroca. La primer actividá va ser un conciertu de la Escuela de Música Miguel Barrosa, en concreto un ensemble de flautes traveseres baxo la direición de la profesora Begoña Vázquez Rodríguez, con comienzu a les 17 hores n'Albandi dientro del ciclu 'Sones'.

Yá a les 19.30 hores, nel Muséu Antón de Candás, va celebrase el tercer 'Poétiques', que nesta ocasión tien como convidada a Lourdes Álvarez. L'autora de L’Agüeria d’Urbiés va facer un repasu a la so poesía, la más antigua y l'actual, nun actu que va tar presentáu por María Esther García López.

Contador Estadistiques