Pingarates

El próximu sábadu día 16 el gaiteru Jose Angel Hevia va dar una charra nel salón d'actos del institutu de Llanes. Nesta charra esplicará cual ye'l procesu de fabricación de les gaites de la fábrica "Hevia Parrado y Aragón". Amás habrá una muestra d'instrumentos que produz esta fábrica.Xuacu Amieva ta metíu de lleno na producción del so sextu discu. Esti discu que va grabase equí n'Asturies nos estudios Piraña Records, y que contará cola producción del guitarrista de Llan de Cubel, va tener canciones compuestes y tradicionales, como ye costume d'esti artista asturianu. El discu tendrá collaboraciones de músicos del país como Javi Méndez, al baxu; Paula Alonso, al vigulín; Xuán Balmori, a
la guitarra y Jaime Belaustegui y Ramón Prada, a la percusión y teclaos. Amás tamién va haber otros músicos de fuera, pero Xuacu Amieva nun quixo adelantar los nomes tovía.
La selmana presentose nel club de prensa de la Nueva España una nueva banda de gaites n'Asturies. Ye "L'alborecer" de Castrillón y va tar dirixida por José Manuel Tejedor, y que vien a sumase a la gran cantidá de bandes de gaites que tan apaeciendo últimamente.