Piñán considera "estinguida" la negociación de la reforma del Estatutu

La conseyera de Cultura, Política Llingüística y Turismu apunta que Foro nun apuesta pola oficialidá del asturianu, lo que "ye lexítimo".

Berta Piñán, na so visita esta mañana a les instalaciones del Centro Tecnológico y Forestal de la Madera (CETEMAS), asitiáu nel conceyu de Siero, onde se desendolca'l proyeutu 'Pegoyu, almacén d’horros', dio por "estinguida" la negociación de la reforma del Estatutu d'Autonomía. "Hai trés partíos d'izquierda que sí apuesten claramente pola oficialidá, el PSOE, Izquierda Xunida y Podemos, y los demás partíos nun apuesten pola oficialidá, incluyío Foro", apuntó.

"Foro plántase en que ta falando d'otra cosa, de fiscalidá", siguió Piñán, qu'afirmó qu'esta formación "cuando se-y entruga diz que nun votaría la oficialidá", lo que, sicasí, considera "lexítimo". "Ésta ye la situación", llamentó.

Na semeya, Piñán xunto col alcalde de Siero, Ángel Antonio García González 'Cepi', y responsables del CETEMAS y de l'Asociación Amigos del Hórreo Asturiano, mientres la visita.