Pilar Fernández Pardo entrevistóse con David Rivas

La senadora y presidenta de l'agrupación del PP de Xixón, Pilar Fernández Pardo , participó ayeri nuna reunión na sede de los populares a la qu'asistieron tamién los miembros del so partíu Manuel Pecharroman y Luis Crego y per otra parte David Rivas Infante, candidatu por Andecha Astur nes pasaes elecciones estatales y Académicu de la Llingua Asturiana y María Jesús Varela, miembru tamién d'Andecha Astur.

Pilar Fernández Pardo esplicó-yos a los convidaos la esistencia d'un debate abiertu dientro del so partiu sobre la cuestión llingüística y aclarió que, anque a dia de guei el PP nun tenga una postura marcada, en tou casu esta va ser siempre más avanzada que la del PSOE, esistiendo una diferiencia cualitativa ente les dos fuerces, y ye que mientres el PSOE fala de conceder la oficialidá cuando haya demanda social, el PP parte de la base de que ye preciso afalar esa demanda.

Humberto Gonzalez, militante del PP asistente a la reunión, primera que celebra'l PP de Xixón dientro d'una ronda abierta con persones y colectivos comprometíos cola oficialidá, esplicó que yera importante remembrar la esistencia de distintos escenarios d'oficialidá, acordies col informe del caderalgu de derechu Leopoldo tolivar Alas, dende una oficialidá parcial a otra absoluta pasando per un modelu gradual. David Rivas y María Jesús Varela mostráronse gratamente sorprendios pola iniciativa que ta garrando'l PP nesti asuntu y ofrecieron la so collaboración, comprometieronse a facé-y llegar al PP les ordenances d'usu del asturianu qu'Andecha Astur propunxere en Conceyu de Nava.