Piden que se caltenga La Cadellada

El Grupu parllamentariu d'Izquierda Xunida na Xunta Xeneral del Principáu presentó esta selmana una proposición non de llei pidiendo que se ponga especialprecuru col conxuntu patrimonial del actual residencia siquiátrica de La Cadellada pa que cuando se faiga l'Hospital Central d'Asturies los edificios antiguos y los nuevos puedan convivir respetándose asina'l valir d'esti conxuntu históricu, qu'echó a andar ente los años venti y trenta del sieglu XX según lo diseños del arquitectu Manuel Bobes Díaz. D'aquella les corrientes más modernes na psicoloxía aconseyaben aisllar a los pacientes nun entornu afayadizu onde recibieren un tratu personalizáu. Asturies foi un de los llugares más avanzaos n'aquellos años porque en cuenta de garrar un monesteriu abandonáu pa mangar ellí el siquiátricu, que ye lo que solía facese, construyose un conxuntu d'edificios enteros nuevos que, anque son d'estética rexonalista-montañesa, tan acordies colos presupuestos más hixenistes y racionalistes y qu'amás cuenten con un entornu natural de xardinos, too ello asitiao fuera del baruyu de la ciudá.