Piden protección pa un texu de 1000 años

La tertulia cultural «El Garrapiellu», el Foru Arte Ciudá y el colectivu Manuel Fernández de Castro tan llevando estes selmanes una gran actividá en defensa de texu de La Collá, en conceyu Siero, un arbol de más de mil años pal que piden la declaración como monumentu natural xunta la recuperación de la ruina de la ilesia de San Pedro, templu del sieglu X que se destruyó cuando la guerra civil.

Nun se sabe si la ilesia va rehabilitase dafechu o si namás van afitase los restos que queden, pero la iniciativa yá ta alcontrando'l sofitu de los vecinos y tamién del Ayuntamientu, que parez

La ruina de l'antigua ilesia de San Pedro de La Collá apaez per primer vegada nel testamentu del rei Ordoñu II, del añu 921. La Tertulia Cultural El Garrapiellu, xunta los vecinos, solicitaron-yos yá nel añu 1993 a los responsables de la Conseyería de Cultura d'Asturies la igua de la ilesia, y una categoría de protección pal texu, pero l'estrozu siguió énte'l silenciu oficial, perdiéndose nestos años la pila bautismal de la ilesia. Parez qu'esta vegada pue ser la definitiva.