Pezós abre’l so muséu del vinu

Dende’l pasáu 10 d’agostu ta abiertu en Pezós el Muséu del Vinu, qu’espeya la historia y producción del vinu d’esti conceyu, enxertu na indicación xeográfica protexida (IXP) del vinu de Cangas. La instalación cultural quier amás recuperar la tradición de vinu del conceyu y asina va acoyer na so bodega, que ta entovía terminando de preparase cola aportación de fondos documentales y preseos de los vecinos, la celebración de cursos d’ellaboración de vinu y actos rellacionaos cola so promoción como prebes y presentaciones.