Pérez Ornia va ser el director de la canal autonómica de TV

El periodista y profesor d'universidá José Ramón Pérez Ornia ye la persona propuesta pol Conseyu de Gobiernu d'Asturies para dirixir l'Ente Públicu de Comunicación del Principáu d'Asturies, del que va depender la canal de televisión autonómica d'Asturies, que se cuenta con qu'entame les sos emisiones a mediaos del añu qu'entra

La propuesta de Pérez Ornia tienen d'analizala agora'l conseyu de comunicación y el d'alministración del Ente, produciéndose'l nomamientu definitivu pal mes de xineru col preste d'estos dos organismos.

Nacíu na Pola Siero nel añu 1946, Pérez Ornia ye doctor en Ciencies de la Información pola Complutense de Madrid, onde pon clasen materies rellacionaes cola programación en TV. Autor de dellos llibros y estudios sobre les televisiones autonómiques y la so evolución, Pérez Ornia foi editor del anuariu de la TV del Gabinete d'Estudios de Comunicación Audiovisual, director xeneral de Telemadrid y tien trabayao en medios como El País o Diario 16.