Peces Barba considera "imposible" que'l TSXA falle contra la Educación pa la Ciudadanía

El caderalgu de Filosofía del Derechu de la Universidá Carlos III, Gregorio Peces-Barba, consideró "imposible" que'l Tribunal Superior de Xusticia d'Asturies (TSXA) resuelva a favor de los pas qu'oxetaron escontra Educación pa la Ciudadanía (EpC) pese a decidir como midida preventiva qu'un grupu de mozos nun asista a clases mientres se resuelva la demanda. "Esa midida nun prexulga sobre'l fondu", alvirtió.

Na presentación del so llibru 'Eduación pa la Cidudaanía y Derechos Humanos' (Editorial Espasa), Peces-Barba afirmó que la oxeción de conciencia "nun ye llegal" sinón ye aceptada pol Estáu al traviés d'una llei o de la xurisprudencia del Tribunal Constitucional. Al respecto, añadió que nesti momentu "sólo hai una oxeción de conciencia reconocida nuna sentencia d'esti tribunal y que ta relacionada col personal médicu sanitariu que tien qu'intervenir nel procesu pa determinar si un abortu ta dientro de la llei.

Según Peces-Barba la oxeción de conciencia "nun ye una dimensión de la voluntá de los ciudadanos, nin basta con que ún la declara". "¿Qué sociedá pue resistir si unos obedecen y otros deciden nun facelo?", entrugóse'l catedráticu. Por ello, afirmó que-y paez "poco probable" que'l Tribunal Constitucional resuelva a favor de los pas que s'acoyeron a la oxeción de conciencia, polo que los sos fíos "nun van poder graduase sinón cursen EpC".

Por últimu, el tamién presidente d'honor de la Sociedá Española de Filosofía Xurídica y Política manifestó'l so "temor" a que la nueva asignatura tornara nuna 'maría' si nun se fai insistencia na formación del profesráu. "Pa impartir esta asignatura nun basta con tener un títulu d'historia o filosofía porque tien dalgunes especificidaes mui complexes", señaló'l catedráticu, quien apostó pola formación d'un cuerpu especializáu nesta materia.

Per otru llau, afirmó güei que si'l Tribunal Constitucional declara "inconstitucional" la Llei del Matrimoniu Homosexual va tener de quitase de l'asignatura d'Educación pa la Ciudadanía y los Derechos Humanos.

Esplicó que si bien el matrimoniu homosexual pue ser "perfectamente incluyíu" nos conteníos d'esta asignatura porque se trata de "una llei" y poro, forma parte de la "llegalidá", en casu de que'l Constitucional declarara que va a la escontra del artículu 32 de la Carga Magna "va tener de salir del programa".

"Tengo munchu interés por ver qué interpretación fai'l Tribunal Constitucional. Si consideren que'l matrimoniu homosexual cabe o non cabe nel artículu 32 de la Constitución", apunto'l catedráticu. El so llibru pretende "dignificar l'asignatura frente a una serie de valoraciones ensin sen que se ficieron escontra ella".

Y ye que, pa Peces Barba, temes como la violencia de xéneru o'l matrimoniu homosexual "sólo se toquen de manera secundaria" y "nun formen parte de la esencia de la materia". "Les autoridaes pretendieron incluyir una serie de temes que son secundarios pero que tán ellí", indicó' l'autor d'esti llibru que va especialmente dirixíu a profesores y académicos.