Partíu ciguáu

Cuando se dio la rueda de prensa pa esplicar qu'Arxelia nun diba xugar contra la selección asturiana'l 29 d'avientu, el director de deportes del Gobiernu asturianu, Daniel Gutiérrez Granda, dixo que-y paecía que'l partíu taba ciguáu. Los acontecimientos vienen a da-y la razón: Lituania, selección cola que se llegó un apañu pa que sustituyere a Arxelia, igual tampoco nun puede venir. Ello ye que la nieve que ta cayendo tien al equipu bálticu trancáu nel so país. De momentu, el partíu que teníen güei contra la Selección Valenciana yá ta aplazáu hasta'l vienres, y nun ye seguro que puedan venir. La Selección Asturiana tien la cigua.