Palacio Valdés viaxa a Bruseles

L'adaptación teatral de la novela d'Armando Palacio Valdés "José" que ficiere l'añu pasáu el guionista David Artime Coto va representase nel escenariu del Centru Asturianu de la capital belga baxo la dirección de Pablo A. Quiroga Prendes.

Ello va ser el próximu sábadu 9 de Abril nun pal que va adaptase pa les dimensiones d'un escenariu lo que de mano se concibiere como una obra de teatru musical al aire llibre. Anque gafada nel so díapor un bastiazu qu'impidió la representación de la obra na fecha prevista, la obra acabó estrenándose con gran éxitu'l pasáu 11 de setiembre en Candás, cola participación estraordinaria de Txema Blasco. Nesta adaptación va ser el grupu de teatru "Nun Trís" que ya collaborare col proyectu dende l'entamu, l'encargáu de da-yos vida a tolos personaxes de la obra, mientres que'l candasín Alain J. Fernández va repetir nel papel d'Armando Palacio Valdés. La representación en Bruseles organízala l'Asociación Cultural "El Santo Milagro" de Candás, cola ayuda de Nun Tris, el Centru Asturianu de Bruseles y la Oficina d'Emigración del Principáu.