Padilla representó al Gobiernu nos X Alcuentros Astur-Cántabros

El direutor xeneral de Planificación Llingüística y Normalización desplazóse a Marina de Cuyedo pa participar nos X Alcuentros Astur-Cántabros, a los que tamién acudió'l presidente de Cantabria, Miguel Ángel Revilla. Namái'l sábadu, día grande d'esta folixa de xeremandía ente territorios, tomaron parte 3.000 persones.

La representación institucional nel eventu completóla l’alcalde de Marina de Cudeyo, Severiano Ballesteros, y el presidente de la Sociedad Etnográfica de Ribadesella, Francisco Elías Pando, entidá impulsora d’esta iniciativa, amás del pilotu Chus Puras –que recibió un reconocimientu–, la presidenta del Parllamentu de Cantabria y dellos alcaldes. Padilla destacó’l llabor de los organizadores y calificó los Alcuentros Astur-Cántabros como una “reunión de hermanancia que supón una cita obligada nel calendariu”.

Pela so parte, Revilla fixo un llamamiento pa que toles instituciones s’impliquen “pa fomentar la cultura con mayúsculques que xune a los pueblos de Cantabria y Asturies” y destacó que nun hai llugar nel Estáu “onde l’afinidá sía como la qu’hai ente asturianos y cántabros”. D’igual forma llamentó l’ausencia del presidente Javier Fernández y de tolos sos conseyeros nos alcuentros.

Trés díes de celebración

Miles de persones pasaron per Marina de Cuyedo mientres les trés díes d’actividaes, ente les que destacaron el Mercáu Astur-Cántabru, el Festival Intercélticu, les actuaciones de música y baille, y los xuegos tradicionales. Namái’l sábadu, día grande, cifróse en 3.000 el númberu de visitantes.

Na semeya, Padilla recibíu por gaiteros al actu institucional tres Revilla y delantre l'alcalde de Marina de Cuyedo.