Pablo X. Suárez presenta "Asturiana Beat" n'Uviéu

El filólogu y escritor Pablo X. Suárez presenta na llibrería Trabe "Asturiana beat" un poemariu que s'anuncia tresgresor y con unos testos "dacuando sociales dacuando egoístes" y escritos por "un yo pervertíu, drogadictu y cuasi siempre cerca del total desesperu".

Pablo X. Suárez, nacíu en Samartín d'Anes (Siero) nel añu 1981 estudió Filoloxía Hispánica na Universidá d'Uviéu, pasando un añu d'estancia en Wetsfalia (Alemaña) un tiempu que na irónica presentación inxerta nel llibru diz qu'echó en "trabayar nuna empresa automovilística" asegurándose darréu que l'autor "morrió en circunstancies entá nun esclariaes na Vega d'Arcenoriu (Ponga), a los 24 años". Pa conocer la so obra,la cita ye esti miércoles 14 de xunu de 2006 a les 19,00 hores na Llibrería Trabe de la Cai Padre Buenaventura de Paredes, 4 d'Uviéu.