Oxetivu Birulés

El periódicu económicu 5 Días, perteneciente al grupu Prisa, asoleyó un especial nel que pon pingando l'ambiciosu Plan XXI empobináu dende'l Ministeriu de Ciencia y Tecnoloxía, que se fizo col enfotu d'averar les nueves tecnoloxíes a la ciudadanía, meyorar les infraestructures y formar profesionales nel sector. Articuláu n'ocho estayes en que s'esmenucen los oxetivos algamaos en cauna de les estayes del plan, agora que yá va pela metada del so plazu d'aplicación, l'informe denuncia realidaes tan escandaloses como'l favor que-y fizo l'estáu a Telefónica lliberándola de la obligación d'instalar redes de cable en delles comunidaes autónomes o qu'anguaño queden 255.000 llinies de teléfonu rurales que nun valen pa entrar a la rede, de les que 20.000 tan n'Asturies.

Contador Estadistiques