Organízase un alderique sobre los retos del país

Participen Blanca Esther Aranda, Iyán González, Concha Masa y Lluis Miguel Orviz, cola moderación de Xandu Fernández.

Suburbia Ediciones ye la editorial del mes na Casa del Libro de Xixón. Poro, esta llibrería asitiada na plaza Italia acueye mientres too ochobre delles actividaes entamaes por esta firma fundada nel 2007.

'Asturies ante los retos del futuro' ye'l títulu de la mesa redonda programada pa esta tarde a les 19 hores.