Onda Peñes quier programes n'asturianu

La emisora de radio del conceyu de Gozón, Onda Peñes ta preparando la progamación de la temporada qu'entra, qu'entama agora pa la seronda. Pa facer esta programación, la emisora tien abiertu hasta'l 27 de setiembre un plazu pa recibir propuestes de programes. Quien tenga interés en facer un programa de radio nesta emisora local que se siente en tola comarca del Cabu Peñes tien de ponese en contactu cola asociación cultural Gaxarte, matriz d'esta emisora qu'emite programes n'asturianu y en castellano, pero dando-y siempre preferencia al asturianu. Otru de los criterios de la emisora ye que tendranse más en cuenta los proyectos de programes que nun seyan dafechu musicales, apostando por un modelu onde pese más el trabayu de los locutores.

Contador Estadistiques