"Nunca Mais" Meyor cantar n'asturianu nos premios de la música

Manolo Morán, cola canción "Nunca Mais", llevóse la primera edición del premiu al meyor cantar n'asturianu de los Premios de la Música. La entrega d'estos premios entamaos pola SGAE celebróse ayeri en Madrid. La composición d'esta canción ye de Pepín Robles y nella faese una dedicatoria a Galicia dempués de los daños causaos pol Prestige. Los otros dos finalistes yeren Tejedor y Nacho Vegas.



Esti premiu venía acompañáu dende que se fixo público la elección de los finalistes de cierta polémica, ya que causó sorpresa entre'l mundu musical asturianu'l mou nel que se fixo la selección entre toles canciones n'asturianu que podíen aspirar al premiu.
Sobremanera la canción finalmente vencedora ya que según diverses opiniones nun yera la mas representativa de la música fecha n'asturianu.



La concesión d'esti premiu foi una vieya aspiración de los miembros asturianos de la SGAE pol reconocimientu que representaba pal asturianu fuera de les nueses fronteres.