Nuevu retratu oficial del presidente

El Presidente del Gobiernu asturianu, Vicente Álvarez Areces, ta acabante de sacar el so nuevu retratu oficial. Dientro de la campaña institucional "Asturias, adelante" 5.000 copies d'esti retratu, fechu pol prestixosu retratista foto-matón, van repartise per toles escueles y institutos del país, col envís d'averar la figura institucional del presidente a tolos escolinos asturianos. Lo que nun son a esplicase en gobiernu ye quien ye'l personaxe qu'apaez tres el presidente con pinta de traer males intenciones. Asturies.com, nun exerciciu de periodismu d'investigación ensin precedentes, dio cola procedencia del estrañu. Resulta qu'esti individuu nun ye otro qu'un unviáu del SOMA, como preba esta semeya sacada tres un conceyu de la executiva del sindicatu mineru na qu'un sonriente Jose Ángel Fernández Villa fala con dellos compañeros d'organización.D'otra parte, Asturies.com tien güei esta semeya esclusiva que recueye un momentu de les difíciles negociaciones de la tresferencia de la sanidá al Gobiernu asturianu.

Contador Estadistiques