Nuevu premiu literariu pa Pablo Rodríguez Medina

L'escritor Pablo Rodríguez Medina (1978) llogró la selmana pasada'l primer premiu nel primer concursu lliterariu pa mozos qu'organizó la "Fundación Asturias" del sindicatu UXT. L'autor entreguín resultó ganador nes dos modalidaes del concursu, en castellanu y asturianu coles obres "No se puede caminar con hambre bajo el sol" y "Dende la sombra". El secretariu xeneral de la Unión Xeneral de Trabayadores d'Asturies, Justo Rodríguez Braga, y el secretariu del xuráu, l'ex - alacalde uvieín Antonio Masip formaron parte del xuráu que premió al escritor, ún de los más trabayadores de la última xeneración del surdimientu.

Ganador nel añu 2001 del premiu Xosefa Xovellanos de novela con L'arna de San Atanás, y del Asturies Xoven de poesía con Los desconocedores del agua, Rodríguez Medina yá asoleyare n'asturianu "Nel dialeutu del Grisú" nel 1999. De la so obra n'asturianu tamién destaquen Los paraísos perdíos (2000) Nun blinquen ayalgues (2003) y les noveles Les vueltes toles vueltes (2002) y Los taraos. Tien dellos llibros de poesía ( El color de l'ausencia, Nel dialectu del grisú, Tiempu d'esiliu y povisa ayeno). En teatru ganó'l Asturies Xoven con Martema. Historia de una guerra, retratu d'unes culpes y el premiu de tratru de l'Academia de la Llingua Asturiana con "Orbaya".