Nuevu númberu de "A la gueta los Suaños"

La revista electrónica de lliteratura infantil "A la gueta los Suaños" presenta'l númberu dos de la so edición pa mayestros. El númberu 2 d'esta revista que dirixe maría del Mar Martín cuenta con Fiches didáctiques sobre'l llibru El Tatuaxe de Mª Esther García López y xuegos pa trabayar el léxicu y la ortografía empobinaos pa escolinos de cuartu y sestu de primaria.

Con motivu de la celebración el dos d'abril del Día Internacional del Llibru Infantil, la revista enxerta tamién un artículu de Vicente Garcia Oliva sobre los cuentos del danés Hans Christian Andersen, a quien se-y dedica esti día. La revista complétase con otres secciones como la entrevista a Maite González Iglesias, mayestra y autora de llibros como "Les cuatro histories de Ñubina". Maite fala de los personaxes de los sos cuentos y de la so visión de la lliteratura infantil n'asturianu. La revista "A la Gueta los Suaños" ta disponible nesta dirección d'internet