Nuevu llibru sobre deportes autóctonos

Juegos y deportes tradicionales, publicáu por Alborá Llibros ye´l títulu del últimu llibru del investigador Gerardo Ruiz, doctor n´Educación Física. La falta de bibliografía sobre los deportes tradicionales fixo que´l investigador emplegara doce años pa recopilar tola información sobre los bolos, les traineres, el llanzamientu de barra o´l gomeru.

Ruiz utilizó dos métodos p´atropar tol material que presenta en llibru: La localización "in situ" de los distintos deportes a lo llargo de tola xeografía asturiana, que s'espeya nel libru na presencia d'abondantes testimonios orales, y la fonte d´información que foron per años diarios como EL COMERCIO o EL NOROESTE. L´autor destaca nesti sen la figura de Xovellanos por ser el primeru en describir los deportes autóctonos que se practicaben daquella. La presencia del deporte asturianu na lliteratura ye otra fonte d'información , rescamplando l'autor el relatu que fai Palacio Valdés d'una competición de titru de barra nel altu Nalón.

Sobre´l futuru d´estos deportes Gerardo Ruiz ye abondo optimista, hai nueves xeneraciones de xente mozo qu´amuesen interés por ellos y un gran llogru sería la so normalización na enseñanza. El llibru ta escritu en castellanu, pero los topónimos vienen escritos na so forma asturiana.