Nuevu discu d'Avalanch

El grupu asturianu de rock duru "Avalanch" presentó va poco'l so nuevu discu, que ta recibiendo una perbona acoyía ente los aficionaos a esti estilu musical.



"Avalanch" férmenlu por Marco Álvarez, Roberto Junquera, Alberto Rionda, Dani León, Fran Fidalgo, Ramón Lage, y ye una promesa cumplida del rock asturianu. Col discu que tienen acabante de sacar "Los poetas han muerto" tan algamando'l reconocimientu a nivel estatal que contaben, ésitu que yá s'albidraba nel trabayu anterior "El angel caido". "Los poetas han muerto" grabose a primeros d'esti añu y les miezcles del final ficiéronse nos estudios "Metropolis" de Llondres ente Alberto Rionda y Tim Young, prestixosu inxenieru de soníu. Dende que se presentó'l pasáu 10 de marzu, los asturianos nun paren de recibir bones noticies y punxéronse númberu ún nel llistes de ventes de rock duru. Dientro de la campaña de promoción, el grupu avilesí, grabó una actuación pa salir
nel programa "Música si" de Televisión Española.



"Avalanch" entamó una xira que va llevalos per tol estáu, pasando por supuestu per Asturies el 1 y 24 de mayu, si queréis ver más feches d'esta xira podéis visitar la web oficial del grupu.