Nueves visiones d'Asturies y del mundu

Anque l'actu de presentación se celebrare'l xueves, nun foi hasta ayeriqu'entamaron les primeres actividaes de les xornaes "les otres cares del planeta" un clásicu na primavera de Xixón que tolos años organicen un garapiellu d'organizaciones como Inxeniería sin Fronteras o Ecoloxistes n´Aición. Talleres, meses redondes, proyecciones, esposiciones, conciertos y losd especiales "percorríos nochermiegos" , con música, poesía y cuentacuentos. Formen parte del programa d'actividaes d'estos alcuentros que s'asitien una vegada más nel Centru de Cultura "Antiguu Institutu" anque tamién va haber actividaes per tola ciudá.

Como siempre, les conferencies son de lo más interesante. Baxo'l títulu "La palabra dexa güella" va tratase d'equí al vienres de temes como les diferiencies norte-sur vistes dende la perspectiva de xéneru con participación del Movimientu Salvadoreñu de Muyeres, los problemes p'alcontrar trabayu n'Asturies, el martes nuna mesa redonda col sociólogu Holm Dietlev Kohler o la guerra global pol control de los recursos hídricos, tema que va tratase'l miércoles cola participación de profesores de la Universidá d'Uviéu y miembros de la Plataforma pola Defensa de los Servicios Públicos. La influyencia social de los videoxuegos y les rellaciones ente relixón y estáu laicu son otros de los temes de debate pal xueves y pal vienres.

Ver el programa pa estos díes