Nueves protestes pol asuntu de la toponimia en Xixón

El casu de les señales esborriaes en delles parroquies de Xixón sigue dando que falar (ver noticia más abaxo). Agora ye la formación política Andecha Astur la que vien a sumase a les crítiques que yá ficiere la Xunta Pola Defensa de la Llingua y va incluso más allá, al pidir la dimisión del conceyal de la zona rural Tino Venturo. Dende AA dicen que, en vista de la información apurrida por Coordinador de la Comisión de Toponimia de
l'Asociación de Vecinos de Caldones, que collaboró nel procesu de recopilación de los topónimos, Venturo mintió al dicir que les señales nueves respetaben los topónimos en
llingua asturiana y tapeció'l fechu de qu'esta señalización tien erros abondos, incluyendo señales asitiaes en llugares tracamundiaos, topónimos que nun
esisten como talos nin n'asturianu nin en castellán o llugares
d'importancia ensin señalizar
.

El resultáu final foi que se gastaron 50 millones de pesetes nuna señalización que nun ye que namás que nun respete les formes toponimiques como tienen de ser, sinon que tamién ta llantada en sitios que nun-y correspuenden. Too ello lleva a Andecha Astur a pidir que'l conceyal dimita de motu propio y si non, que l'alcaldesa Paz Fernández Felgueroso lu releve del cargu.