Nueche folk en San Mateo con Gwendal

La música folk toma güei la nueche uvieina con un
sorpresa final nel cartel, los bretones Gwendal sustituyen a última hora
a Los Berrones.



Na riestra de nueches temátiques musicales qu'ufierten les
fiestes carbayones llegó-y el turnu al folk. Dende les 21:30 hores na
plaza la catedral d'Uviéu van tocar trés formaciones que son, per
un llau, Llan de Cubel, que sigue trabayando, adulces, no que tien ser el
próximu discu qu'esperen entamar a grabar a lo llargo l'iviernu. Nel
escenariu carbayón tamién va tar Iñaki Santianes, gaiteru
que ta viviendo un añu perimportante na so carrera musical, ganando'l
McCrimon (antiguu Macallan) y sacando esti añu'l so primer discu
Foncalada.
Como sorpresa nel cartel tán Gwendal, que sustituyen a Los Berrones. La
razón d'esti cambiu ye que Los Berrones actuaron va pocos díes
nún conciertu n'Uviéu, y dende la conceyalía de festexos
pensaron que yera repetir una actuación en poco tiempu. Gwendal son unos
auténticos veteranos del folk, estos bretones lleven dende 1972 con un
apueste musical perinteresante, onde mezqulen folk, música tradicional
con jazz, rock o lo que pinte, apurriéndonos a la fin el soníu
inconfundible d'esta banda. Con too y con ello, na formación actual
queden pocos miembros orixinales, colo que va ser interesante a que suena
Gwendal güei
depués de 33 años d'esistencia.