Ñublu y Orpín en Xixón pa San Xuan

Anque lo paeza nun ye una previsión meteorolóxica, si
non l'actuación musical estrella de la nueche de San Xuan en
Xixón, Chus Pedro col so "Ñublu Y Orpín".



Xixón escueye dende va unos años p'acá la playa de
poniente como centru de les actividaes de la nueche de San Xuan. Ellí
quemáse la foguera del Conceyu y ye onde se fai l'actuación
musical principal de la nueche. Esti conciertu esti añu va trayer a un
vieyu conocíu de la música asturiana que dio un pequeño
xiru a la so carrera. Chus Pedro va interpretar en Xixón los cantares
del so primer discu en solitariu " De Ñublu y Orpín",
l'actuación va entamar a eso de les 23:00 hores na playa poniente de
Xixón, a les 00:00 va haber un descansu pa la quema de la figuera con
danza prima y espectáculu pirotécnicu incluyíu,
darréu de quemar la foguera va volver la música otra vuelta con
Chus Pedro pa pesllar la nueche. Per otru llau yá ta confirmada
lapresencia de la potente voz de Chus Pedro nel Festival Intercélticu de
Lorient d'anguaño.



El programa de Xixón tamién incluye l'enrramáu de
la fonte Pelayo a les 21:00 hores gracies al grupu de baille "Na
Señardá", amás de desfiles de bandes de gaites con
Noega y Villa de Xixón. A partir del día 23 hasta'l 29 va haber
per Xixón actuaciones de distintos grupos folclóricos en
dellos´llugares significativos de la ciudá.