Nosoträsh, n’Asturies.com TV

Esta selmana, Asturies.com TV presenta'l video promocional del tema "Dando vueltas" del grupu de pop asturianu Nosoträsh. Esti cantar vien nel LP "Cierra la puerta al salir" el discu más de recién d'esti grupu femeninu y col que franció cinco años de silenciu discográficu.

Nosoträsh nacieron en medio de la fola del Xixón Sound allá pel añu 1993, dando nel añu 1995 un gran saltu na so carrera al fichar pola casa RCA, asoleyando dellos singles ente los que rescampló "Voy aterrizar" enantes de grabar nel añu 1998 el so primer discu "Nadie hablará de... Nosoträsh" col que ganaron bien de respetu ente la crítica y el preste del públicu "indie". Cola casa independiente Elefant Records asoleyaron el siguiente "Mi vida en un fin de semana" y "Popemas" tres del que vieno un paréntesis por motivos llaborales y de disponibilidá que nun les dexó grabar hasta esti mesmu añu, en que sorprendieron con "Cierra la puerta al salir" un discu nel que se vieron más llibres de los clixés del pop convencional y buscaron un soníu más particular afondando nel camín que yá abrieren con Popemas, contando pa ello coles collaboraciones de xente como Xel Pereda y el fundador de Penélope Trip Pedro Vigil.