“Nos archivos d'Asturies.com atópase la historia viva de la reivindicación llingüística”, diz Candel

 “Falar d'Asturies.com ye falar de la historia recién de la llucha pola supervivencia de la nuestra llingua”, afirma Xosé Candel, voceru de la Xunta pola Defensa de la Llingua Asturiana (XDLA). El coleutivu que lleva 38 años movilizándose pol idioma salúdanos pol 25 aniversariu.

Cinco llustros nos que tola actividá de la XDLA quedo reflexada nesti mediu dixital. “Nos archivos d'esti mediu va poder atopase tola nuestra actividá, tolos nuestros comunicaos, la historia viva de la reivindicación llingüística. Siempre tuvieron ehí, acompañándonos na nuestra llucha y informando nel nuestru idioma”, rescampla Candel, que califica a Asturies.com de “sofitu imprescindible pa danos una voz que los grandes medios de comunicación siempre nos negaron”.

Pue lleer el saludu completu del voceru de la XDLA calcando nesti enllaz.