Non toles fabes son asturianes…

El Conseyu Regulador de la Denominación d'Orixe "Faba Asturiana" denunció que cerca del 80% de les fabes que se venden n'Asturies nun son del país y que les traen los grandes envasadores de Galicia y de países americanos como l'Arxentina o México. Sicasí, la Faba Asturiana con denominación d'orixe nun lleva mal camín. L'añu pasáu, la producción controlada por esti organismu, al que tan ascritos 230 productores, alcanzó les 70 tonelaes, con una xuba del 68% respective al otru añu. Pa esti exerciciu la collecha va venir con retrasu, porque l'agua que cayó obligó a echar tarde les fabes,pero dende'lConseyu nun cuenten qu'ello vaya menguar la cantidá que se produza.

Contador Estadistiques