Noite folk n'A Caridá

L'Asociación Arcángel San Miguel entama la so IV Noite Folk con una selección de grupos de fuera y dientro'l país.

A partir de les 23:00 hores l'área recreativa de Pormenande na capital del conceyu d'El Franco va acoyer la que ye yá la IV Noite Folk. El cartel axunta propuestes musicales d'Asturies y Lleón. Ello ye que dende Lleón lléganos Sog Folk , grupu d'ocho componentes que nacieron en 1997 y qu'esti añu espublizaron el so primer discu Trisca. Otros que tán acabantes de sacar discu son los asturianos Cádaba, que tamién van tocar na noite folk, como nun podía ser d'otra manera yá qu'ellos son d'A Caridá y que meyor sitiu pa presentar el so primer discu. D'equí a poco falaremos n'Asturies.com más fonderamente d'esti nuevu discu de folk asturianu. Pa pesllar la nueche los xixoneses Felpeyu van volver amosar la so calidá nún escenariu, y calecer de xuru a tol occidente asturianu.