Nel Triskel van Pal Pozón

"Pal Pozón" ye'l nome col que van presentase dellos músicos asturianos nel Café Triskel de Xixón pa entamar una sesión de música folk.

Esti xueves dende les 21:30 albídrase una nueche animada en Xixón cola sesión folk que tien preparada "Pal Pozón". Esta ye una nueva banda formada por David Varela col curdión diatónicu, Javi Copaud nel baxu, Antón Barquero nes percusiones y Roberto Gomez cola guitarra. Per agora'l fin principal d'esti grupu ye entamar una bona folixa esti xueves nel Café Triskel de Xixón, pero los músicos nun descarten da-y continuidá a esta formación y intentar llevar alantre un proyectu musical, pa lo que la sesión del xueves va ser una preba curiosa, asina que de momentu tenemos la oportunidá de disfrutar de música folk en directo en plenu iviernu gracies a los que van "Pal Pozón".