Nel Día Mundial del Agua

La ONU calcula en dos millones de persones los muertos cada añu por nun tener accesu a esti recursu

L'agua, un recursu que n'Asturies nunca plantega problemes d'importancia, ye ún de los elementos qu'anden más escosos y que más se precisen n'otros llugares. Según los datos de la ONU, que celebra dende l'añu 1993 el "Día Mundial del agua" más de 1.000 millones de persones (cerca de la quinta parte de la población mundial) nun tienen accesu a esti recursu, y otros 2.500 millones de persones acceden a ello ensin garantíes sanitaries. Ye por ello qu'esta xornada del 2005 celébrase baxo'l llema "L'agua, fuente de vida", anque la ONU quier dir más p'allá y pretende qu'esta conmemoracion de aniciu a un ciclu de diez años que se centre en desarrollar campañes d'accesu a esti recursu, col oxetivu de llegar al añu 2015 a los oxetivos quese marca la mesma ONU yque comparte tamién el Bancu Mundial. Dambes instituciones sorrayen tamién la importancia creciente que tien l'agua como recursu estratéxicu y adelanten que munches de les guerres que vayan ocurrir nesti sieglu XXI van ser precisamente pol control del agua. Más dura ye la llectura que fai d'ello'l Forum Alternativu del agua y más radicales son les sos propuestes, qu'incluyen un estatutu mundial del agua que contemple tola globalidá del so ciclu.
Más información: Día mundial del agua - Forum alternativu del agua