Naval Xixón postula al Oscar

La película del director Fernando León de Aranoa "Los llunes al sol" va ser la que represente a España na carrera polos Oscar de Hollywood na estaya de meyor película estranxera. El filme, protagonizáu por Javier Bardém, cuenta la situación d'un grupu d'obreros que van al paro al trancar l'astilleru onde trabayaben. Anque la película rodose en Vigo, el director visitó los astilleros de Xixón y grabó bien de material pa documentase sobre la crisis del naval, falando colos protagonistes de la crisis. Ironíes de la historia, la mesma selmana que la película entraba na carrera pol Oscar, la postiella de la crisis nel astilleru de Naval Xixón volvió a saltar, no que puede ser el pieslle definitivu de la factoría.