National Geographic asómase al occidente asturianu

La revista de viaxes de la famosa National Geographic Society, que tien una tirada de más de 85.000 exemplares al mes, va enxertar nel so númberu de febreru que ta pa salir d'equí a pocos díes un ampliu reportaxe sobre'l Parque Natural de les Fuentes del Narcea. Escritu pol periodista Eduardo Viñuales y con semeyes de Juan Carlos Muñoz y Óscar Fernández, el reportaxe a cuatro páxines fai un resume de los atractivos naturales, etnográficos y paisaxísticos d'esta fastera del occidente asturianu, emponderando la importancia de la viesca de carbayos de los montes de Muniel.los, declarada dende va dos años Reserva Mundial de la Biosfera pola UNESCO y a la que la revista de National Geographic ya-y dedicare un especial nel 2.003.