Muyeres, actuación grande nel Día d’Asturies en Madrid

Con motivu de los actos de celebración del Día d'Asturies, el Gobiernu del Principáu d'Asturies decidió entamar esti añu una celebración del día grande del país nel esterior. Esta fiesta, que va facese cada añu nun llugar distintu, pero siempres contando cola collaboración de los colectivos asturianos na emigración, faise nesti 2004 por primer vegada en Madrid, onde la Conseyería de Rellaciones Exteriores, va celebrar todos los años una programación nel esterior, que complemente los actos que se faen n'Asturies el día 8 de setiembre

L'actu central d'esti día d'Asturies en Madrid va ser el conciertu que va dar el grupu folclóricu "Muyeres" el prósimu sábadu día 18 de setiembre a les 20.00 h. na sé del Atenéu de Madrid, na cai del Prado 21.

Ls actos organízalos l'Axencia Asturiana de la Emigración en collaboración con Asturianos en Madrid y el centru Asturianu de Madrid.

L'organismu institucionasl que dirixe Luis Miguel romero xustifica la elección de Madrid pa esti I día d'Asturies nel Esterior por ser Madrid el llugar d'España onde más asturianos residen y porque tien el Centru Asturianu más antiguu de tolos esistentes. D'otra manera, la convocatoria quier pulir les "controversies del pasáu" proyectando una "imaxe d'unidá" del colectvu asturianu en Madrid en referencia a los antiguos pleitos y polémiques ente'l Centru Asturianu que preside Cosme Sordo y l'asociación "Asturianos en Madrid".