Musical asturianu na Pola L.lena

El nuevu teatru Vital Aza de la Pola L.lena va acoyer esti vienres la representación de Nel Camín, espectáculu musical coles voces d'Anabel Santiago, Alberto Varillas, Liliana Castañón y Urbano Prieto acompañaos por una banda.

"Nel camín" ye un recorríu pelos cantares tradicionales del Camín de Santiago n'Asturies. A les voces d'Anabel, Alberto, Liliana y Urbano va xuntase los instrumentos de Manolo Cordero coles percusiones, Xaime Arias col pianu, que tamién ye l'arreglista del espectáculu, y Michael Lee Wolf nes guitarres, baxu y mandolina. Nel escenariu tamién va tar Ismael Arias como presentador y narrador d'una historia contada al traviés de 14 cantares que recueyen lo qu'esti milenariu camín atraviesa na cultura musical asturiana. El Corri Corri, el romance de "El maestre de Santiagu" o "La pelerina" son dalgunos de los exemplos d'eses pieces que, d'una manera o otra, espliquen que ye'l camín de Santiagu n'Asturies.