Música folk de trés países en Fitoria

Nel barriu uvieín de Fitoria entamaron una nueche folk esti8 vienres con grupos y músicos d'Asturies, Galicia y Escocia.

La nueche organízala'l grupu de baille tradicional "Fitoria" col sofitu de la comisión de festexos del pueblu. Sobre les 22:30 hores va subir al escenariu la "Banda de gaites Llariegu" que van facer un conciertu, pa esta nueche la banda va tener la collaboración de dos collacios de la banda, el guitarrista y vigulineru Rubén Bada y el curdionista Nel Sánchez. Dempués va tocar el gaiteru Fred Morrison, esta vegada en solitariu, completando d'esta manera la llarga visita que fizo a Asturies onde tocó en bien de sitios. Ente los conciertos d'esti escocés hai qu'apuntar que tamién actua gëui nel Antiguu Institutu de Xixón a les 20:00 hores xunta a Jamie McMenemy.

Darréu llega la hora de la música gallega con "Pepe Vaamonde Band", formación lliderada pol gaiteru gallegu Pepe Vaamonde xunta una riestra de músicos que formen el grupu folk. Dempués, pa pesllar la nueche, va volver la música asturiana colos bailles y el bon facer de "La Bandina". El conciertu va ser nel prau de la fiesta de Fitoria, onde va haber una carpa col so chigre y una parrilla por si entra fame nun quedar coles ganes.