Música en Rede: primer amuesa sectorial que se dedica a la industria musical asturiana

N'abril van celebrase en Xixón les primeres xornaes ‘Música en Rede, Alcuentru Profesional’. La conseyera Ana Vanessa Gutiérrez, anima a los miembros del sector a apuntase a esti cita que cuenta con un ampliu programa nel que van participar los siguientes artistes y espertos.

La responsable de Cultura, Política Llingüística y Deporte esplica que l’oxetivu de les meses ye “amosar el talentu de los nuestros artistes de la que se xeneren espacios d'alderique y se favorecen nueves dinámiques de collaboración y desenvolvimientu”. El Gobiernu quier “abordar de la mano del sector temes del so interés p’ayudar a visibilizalu y profesionalizalu”, pa lo que convida a “espertos de distintos ámbitos y procedencies xunto a una significativa participación d'artistes asturianos”.

La programación va dividise n’estayes pa fomentar la interaición ente artistes, profesionales y públicu amosando talentu, creando sinerxies, xerando espacios d'alderiques y proponiendo dinámiques nueves nel ecosistema musical qu’ayuden a la profesionalización. Son les siguientes:

Erbíes (talleres téunicos)

• ‘Desarrollo de aspectos técnicos y legales en las propuestas artísticas, con Patricia Hermida (Asociacion Galega de Empresas Musicais).
• ‘El papel de la persona encargada de la programación en la gestión y organización de eventos’, con Germán Quimasó (Sonde3) y Jordi Lauren (PlayPlan).
• ’La creación de audiencias’, con Georgia Taglietti (The International Consulting Network for Arts&Culture).
• ‘Las herramientas público/privadas para el desarrollo de proyectos musicales sostenibles’, impartida por Xavier Cester (ICEC).
• ‘Los calendarios y cronogramas en la producción musical’, con Rómulo Sanjurjo (Jau Cultura).

Conxuntes (meses redondes)

• ‘Asociacionismo y profesionalización del sector’, con Patricia Hermida (AGEM), Manuel Alonso (Músicas Ao Vivo), Bree Delian (Llar) y Pilar Aguilar (Sympathy for the Layer).
• ‘Modelos de internacionalización musical’, con Lidia Hinojo (Fira Mediterrània de Manresa) y Armand Llácer (Fira Trovam).
• ‘Medios de comunicación y música: estado de la cuestión’, con Sandra Costa (La Costa Comunicació), Bea Camiña (Produtriz Agency) y Ana Gómez de Castro (Live Nation).

Llabor (actuaciones)

• Elena del Frade.
• Galgo.
• L-R.
• César Latorre.
• Ferla Megía.
• Pablo Canalís.
• Fee Reega.
• Mapi Quintana.
• Alberto & García.
• José Manuel Tejedor.
• Algaire.
• Héctor Braga.
• Mardom

En rede (puntu d’asesoramientu)

• Bea Camiña (Produtriz Agency).
• Patricia Hermida (AGEM).
• Rubén Otero (Luneda).
• Manuel Alonso (Músicas Ao Vivo).
• Pilar Aguilar (Sympathy for the Lawyer)

Xuntes (alcuentros comerciales)

Rolda (presentación de proyeutos)

El plazu d'inscripción pal alcuentru comercial (Xuntes) y les presentaciones (Rolda) va tar abiertu hasta güei, mente que les y los profesionales que quieran participar n’actividaes de Música en Rede van poder apuntase hasta'l día 12 d'abril nesti enllaz. Les xornaes van desenvolvese del 16 al 18 d’esi mes en Llaboral.

“Creemos que puede ser mui interesante y mui importante, y sentar tamién unos fitos qu’ayuden al desarrollu del sector, un sector mui diversu y mui ricu col que cuntamos y del que disfrutamos, qu’esperamos que se desarrolle y espoxigue y pueda disfrutar muncha xente fuera d’Asturies y fuera d’España”, apunta Gutiérrez, qu’anuncia que va repetise esti 2024 l’amuesa dedicada a les artes escéniques celebrada l’añu pasáu.

Na semeya, paraninfu de la Llaboral, que va acoyer dalgunes de les actuaciones de la estaya Llabor y les presentaciones de Rolda.