Musica en directo esta selmana

Cola primavera entama a animáse l'almanaque de conciertos, rock y folk en Xixón y n'Uviéu.

N'Uviéu van sonar clásicos del blues, soul y el rock and roll con "Beat Fevers". Esta banda ta formada por Jorge Otero (voz, guitarra), Ángel Parada (voz, guitarra), Javi "Koan" Méndez (voz, baxu) y Alejandro Blanco (batería), toos ellos miembros en dalgún momentu de los conocíos "Stormy Mondays", banda que por ciertu yá ta preparando pieces pa un nuevu discu. El conciertu ye a les 21:30 hores nel Ca Beleño d'Uviéu y la entrada ye llibre.

Pa Xixón va haber folk con "Pal Pozón" nel café Trisquel. Temes asturianos, irlandeses y d'otros llugares del arcu atlánticu formen el repertoriu d'esti grupu que yá tocó nun va muncho nel mesmu sitiu con mui bona acoyida de los qu'ellí taben. Bona oportunidá pa repetir o pa descubrir a esta banda esti xueves a eso de les 21:30 hores nel Café Trisquel de Xixón.