Música en directo en Xixón y n'Uviéu güei xueves

Amás del conciertu de "Tarañu" de güei, el "DRD" y el guitarrista Rafa Kas van echar tamién en distintos llugares de Xixón y Uviéu unos temes.

"DRD", como ya diéremos anuncia n'Asturies.com, entró ayeri nel estudiu de grabación pa grabar el que tien ser el so primer discu. En plenu procesu de grabación, la banda quier aprovechar pa facer dalgún conciertu per Asturies, aprovechando tamién d'esta manera la presencia del gaiteru Jarlath Henderson, que va collaborar na grabación. El tríu formáu por Diego Pangua, Dolfu Rodríguez y Rubén Bada van tocar güei xueves nel chigre Ca Beleño d'Uviéu a les 22:00, onde probablemente va echa-yos una mano'l gaiteru irlandés Jarlath Henderson.

En Xixón lo que va sonar ye la guitarra de Rafa Kas, el veteranu músicu asturianu y agora componente de "Fe de Ratas", va averase hasta'l Café Trisquel de Xixón a eso de les 21:30 hores pa echar unes pieces del repertoriu del rock clásicu... y de lo que pinte.