Música de tolos palos nel fin de selmana

Música d'estilos estremaos ye lo que podemos topar n'axenda d'ociu pa
esti fin de selmana. De mano tenemos el conciertu del popular músicu
Jaime Urrutia, líder del
grupu yá desapaecíu Gabinete Caligari, na sala Albéniz de
Xixón esti sábadu a les 00:30 hores. Tamién el mesmu día
Andreas Prittwitz, músicu de formación clásica y amplia
trayectoria, preséntanos nel Centru de Cultura Antiguu Institutu a les
20:00 el so últimu y más personal proyectu: l'amiestu de
músiques improvisaes con composiciones orixinales del renacimientu.


Yá'l domingu podemos asistir n'Uviéu a la tradicional cita col
XVI Concursu y Muestra de Folklore “Ciudá d'Uvieu”, nesti casu
a la cuarta fase eliminatoria. Va ser nel Filarmónica a les 11:45.
Tamíen el teatru tien el so sitiu esti fin de selmana. Nel Centru
Cultural Cajastur de la capital asturiana va representase a les 20:00 hores la
obra "Happy birthday, Miss Monroe" de Konjuro Teatro, ganadora del
Premio de Teatro Carlos Arniches 2006 y interpretada por Cristina Cillero,
David Acera, Sonia Váquez y Jorge Moreno. Munches mas actividaes pa esti
fin de selmana na nuesa axenda
d'ociu.