Música col Festival de Cine

Xunta'l más de 250 películes que se proyecten nel Festival de Cine de Xixón, hai too un programa de conciertos siguíos de fiestes en locales xixoneses. Les nueches del Festival de Cine suelen ser bien llargues, esto ye lo que se puede facer.

La ciudá de Xixón garra un ambiente especial pela so zona centro onde los cines, y dalgunos locales tienen muncha vida nunes feches nes nun suel ser habitual. La culpa d'ello tiénenlo les películes del festival, pero tamién los conciertos de grupos de grupos d'estilos y llugares bien diferentes. Por exemplu, güei de nueche tenemos a "Reel People" na sala Albéniz, que xunta El Parque'l `Piles y el Bambara van ser los locales que van acoyer los conciertos. Reel People presentaren en Xixón per primer vez la so visión del soul contemporaneu uníu con música de club, r&b, house y hip hop. El domingu nel Bambara Oslo Telestopic, nome misteriosu d'un grupu que refuga dar la más mínima información sobre los sos componentes y ufierta una propuesta onde les influencies son munches: del rock al hip-hop pasando pela disco-music.

Per selmana les actuaciones siguen al mesmu ritmu que'l Festival, imparable. El llunes nel Albéniz "Babamars" coles sos influencies tan estremaes que van dende los "Beach Boys" y "New Order" hasta los Beastie Boys y Cindy Lauper. Tamién nel Albéniz pero'l martes ye'l turnu de "Delorean" que mecen la escuridá y frialdá del pop de los 80 cola actitú punk. "Six by Seven" van tocar el miércoles nel Albéniz, nel mesmu llugar el xueves King Wolf & the HoundDogBoys y p'acabar el vienres dellos dj's van entamar la folixa na discoteca Parque del Piles.