Munchu rock pal vienres

Wilko Johnson, ex-guitarrista de la banda "Doctor Feelgood" adelantaos del soníu punk nos años 70, y que dempués pasare nos 80 per otres bandes como los Blockheads d'Ian Dury
toca a les 8 d'esta tarde en Mieres dientro del ciclu de conciertos qu'organiza Caxastur presentando los temes del so segundu discu en solitario "Red hot rocking blues".

D'otra manera, la banda americana "The Quireboys" inaugura esta nueche na sala del Parque del Piles de Xixón el ciclu "Rock Sessions" 2005, un ciclu nel que tamién van tocar Nashville Pussy el 8 d'abril, tando previstos pal 14 d'abril Golden Smog. El 23, nun especial d'homenaxe a la revista de música Ruta 66 van tocar Capitol Years y los asturianos The Real McCoyson.
The Quireboys son una banda que se presenta como "de rock dafechu" y que s'asitia nes mesmes coordenaes sonores que los Guns and Roses. De fechu, Axl Rose llamárelos pa facer de teloneros en dalguna xira del so grupu. L'apaición del grunge a primeros de los 90 condergólos a un segundu planu, pasando dellos años ensin espublizar discu hasta que nel 2004 asoleyaron "Well oiled" trabayu que van presentar esta nueche.


Más información na Guía d'Ociu d'Asturiactiva