Morrió'l Padre Patac

José María Patac de Las Traviesas, cura xesuita y activu personaxe de la vida cultural asturiana, morrió esta mañana en Xixón con 91 años d'edá. El padre Patac (Uviéu 1911) yera abondo famosu pola so biblioteca personal de temes asturianos, una colección qu'entamó en 1.966 y pa la qu'acabó atropando más de 12.000 títulos, dellos incunables y toos obres d'importancia grandísima pa la investigación, amás de más de 18.000 semeyes y otros tantos mapes y cartafueyos. La del Padre Patac convirtiose nuna de les biblioteques particulares más importantes d'Asturies y él mesmu acabó donándola al Ayuntamientu de Xixón, que la tien puesta pa consulta d'investigadores na Biblioteca del Conceyu.Dende va ocho años, el mesmu Patac dirixía'l premiu que lleva'l so nome y que reconoz el llabor de los investigadores en bibliografía y archivística del país. Nel añu 2000 esti premiu ganolu Xosé Nel Comba Paz, con un estudiu sobre la lliteratura asturiana n'asturianu hasta 1975 nel que recoyía un repertoriu de 400 autores qu'emplegaron la nuestra llingua.

Contador Estadistiques